Carriola.Redacción.22.01.26
Nada doado foi para o xurado calificador elixir entre os candidatos propostos por clubes e diversas persoas aos gañadores dos premios da “Gala do Deporte 2025” pero tras as delibercións basándose nos méritos individuais ou colectivos, decidiuse outorgar os premios coa concencia de que a practica totalidade dos presentados tenen tamén traxectorias meritorias polo seus resultdos, a súa disposición ou o se uespirito deportivo
Temos comentado con frecuencia nesta nosa Carriola que Marín conta con deportistas destacados en innumerables deportes e, moitos deles, campeóns nos niveis máis altos dos seus respectivos deportes e categorías. E así foi que o xurado deliberador tivo bastante dificultade para decantarse por uns ou por outros polo que se axustou a un baremo de mèritos polos resultados e a incidencia deportiva de cada quen ao longo do pasado ano.
A sesión deliberante iniciouse coa intervención do concelleiro de deportes Antonio Traba quen quixo destacar a “Boa resposta por parte da cidadanía e dos clubs á hora de presentar candidatos e candidatas” e recoñeceu que “non é nada doado tomar decisións cando temos tan boas opcións, tantos deportistas con resultados extraordinarios e tan boa canteira”.
Un acto apropiado para inaugurar o Auditorio
Unha vez determinado o reparto de premios, queda agora a celebración do principal acto a “Gala do Deporte 2025” que se vai celebrar no novo auditorio a punto de ser inaugurado, según indicou o propio concelleiro de deportes. A data da gala está prevista para o día 20 de febreiro, venres, supoñendo que, en efecto o auditorio estea xa en disposición pero de no ser así, a gala retrasaríase o necesario pero é seguro que se celebrará na nova insdtalación cultural marinense.
Persoas, clubes e entidades premiadas
Trala deliberación do xurado, a decisión dos premios foi a segunte:
MELLOR DEPORTISTA MASCULINO:
IVÁN GARCÍA MARTÍNEZ (TAEKWONDO MATS)
Polos éxitos acadados durante o 2025, sendo o nº9 do ranking mundial e o 11º no ranking olímpico. Proclamouse Campión de España, Campión de Europa por equipos absoluto e leva ás súas costas catro ouros, entre outros galardóns.
MELLOR DEPORTISTA FEMENINA:
ARLET ORTIZ (TAEKWONDO MATS)
Por ser Campioa de España absoluta, bronce no Campión de Europa por equipos, quinta no Mundial Feminino e ostentar o 13º posto no ranking mundial e o 27º no olímpico, así como outras medallas en opens internacionais son só algúns dos seus logros durante o 2025.
MELLOR DEPORTISTA DE BASE MASCULINO:
XIÁN GUTIÉRREZ DOPAZO (REMO RÍA DE MARÍN)
Polo despunte da súa carreira deportiva no 2025, quedando 1º clasificado no Campionato de España de Remo Indoor e no Xuvenil Galego de Remo Olímpico de Longa Distancia, entre outros podios.
MELLOR DEPORTISTA DE BASE FEMENINA:
ÁNGELA BALADO CONDE (TAEKWONDO MATS)
Por deslumbrar nun 2025 redondo na categoría cadete, converténdose en Campioa de Europa, de España e de Galicia na súa categoría, ademáis de conseguir o bronce no Campionato do Mundo.
MELLOR DEPORTISTA VETERANA:
PILAR VÁZQUEZ BOUZAS (REMO RÍA DE MARÍN)
Por demostrar que a veteranía tamén é sinónimo de éxito, acadando a segunda clasificación no individual e a terceira na modalidade mixta no Campionato Galego de Remo Olímpico. Tamén quedou en terceira posición no autonómico de Remo Indoor e na XXXI Copa Primavera.
PREMIO Á INCLUSIVIDADE:
PAULA GARCÍA VÁZQUEZ (REMO RÍA DE MARÍN)
Por rachar con todos os límites, conseguindo segundas clasificacións na individual paralímpica do Campionato Galego de Remo Indoor e no PR3 mixto absoluto do autonómico de Remo Olímpico, así como terceiras posicións no Campionato de España e na Copa Primavera.
MELLOR ADESTRADOR:
EMILIO GUTIÉRREZ JALDA (REMO RÍA DE MARÍN)
Polo seu bo facer á fronte dun club que só na tempada 24/25 acadou en varias categorías e competicións seis ouros, seis pratas, nove bronces, dous deportistas convocados pola Selección Galega, unha pola Española Paralímpica e outro pola Española. Unha auténtica fazaña.
MELLOR CLUB:
CD LA PEÑA
Pola súa evolución e dinamización da vida deportiva local, pasando en apenas 12 anos de ser un único equipo a contar con 18, conformados por 212 xogadores e xogadoras e conseguindo no 2025 resultados deportivos históricos no Campionato de España Infantil Feminino, Campionato Galego Infantil Feminino e a Copa Galicia Infantil Masculino.
MELLOR PATROCINIO:
SEI SAN NARCISO
Pola súa xenerosidade e aposta polo deporte base, acollendo nas súas instalacións a actividade diaria de diferentes clubes e rubricando convenios cos que, entre outras cousas, favorece a residencia de xogadores en réxime completa, algo indispensable para que Marín poida ser sede de eventos deportivos de calado.
MELLOR EVENTO DEPORTIVO:
OPEN ENCE VILLA DE MARÍN DE BOXEO
Por ser un evento referente a nivel europeo que non para de crecer e que na edición do 2025 trouxo a Marín a 700 boxeadores/as, 300 técnicos/as e 150 equipos participantes procedentes de 8 países diferentes, que desputaron case 500 combates en apenas un fin de semana.
PREMIO AO DEPORTE CON VALORES:
RAQUEL CARRAGAL DA COSTA
Pola súa empatía e solidariedade, poñendo toda a súa capacidade deportiva en favor da visibilidade de enfermidades como a esclerose múltiple, o cancro infantil e outras enfermidades raras, colaborando con asociacións como EMMO, Bicos de Papel ou Loita nos seus retos.
PREMIO Á PROMOCIÓN DO DEPORTE BASE E Á FORMACIÓN:
MARÍN PEIXEGALEGO
Polo incansable labor exercido ao longo dos máis de 30 anos de traxectoria de formación e adestramento dunha das canteiras máis importantes de Galicia, sumando a día de hoxe a máis de 300 nenos e nenas practicando basket baixo o seu paraugas.
PREMIO AO VOLUNTARIADO DEPORTIVO:
CARREIRA E ANDAINA PINGA PINGA
Polo compromiso e esforzo desinteresado e totalmente altruísta que fan cada ano no desenvolvemento deste evento deportivo do Club Pinarium que ten lugar en Santomé de Piñeiro e que se converteu nunha das probas populares con máis sona do panorama atlético popular galego.
MENCIÓN ESPECIAL:
ASOCIACIÓN CULTURAL E DEPORTIVA GHARABOTO
Polo seu traballo incansable na recuperación, mantemento e reactivación dos xogos populares, que son parte do patrimonio inmaterial galego e que están achegando aos máis pequenos para que non se perda a súa práctica e coñecemento.
O xurado estivo composto polos concelleiros Antonio Traba e Antonio Caíña, o técnico de Deportes, Pablo Outeda; o deportista e coordinador de carreiras, Víctor Riobó; o responsable de dirección deportiva do PeixeGalego, Luis Santiago, e os xornalistas Heriberto Dopazo, Lara Saez, Ángel García Carragal e Julio Santos Pena.
