Carriola.As.Mem.Hist.16.10.24.
julio@carriola.es.
A Asociación para a Recuperación da Memoria Histórica de Marín presenta o libro "Alexandre Bóveda: lume vivo, acesa chama", do escritor, guionista e produtor Xan Leira, que recolle textos e reflexións sobre a vida e obra de Bóveda. O acto terá lugar o vindeiro venres, día 18, ás 20:00 h. no Museo Municipal Manuel Torres e contará coa intervención do autor e de Valentín García Bóveda.
O libro, editado por Memoria Documental de Galicia, coa colaboración da Secretaría Xeral de Política Lingüística, conta con prólogo de Valentín García Gómez e reúne textos de Valentín García Bóveda e Henrique Rabuñal, fotografías e textos de Xosé Luís Bóveda, Avelino Pousa Antelo, Amalia Bóveda, Elixio Rodríguez, Francisco Fernández del Riego, Lois Tobío, Jesús Bernárdez e José Claudio Calviño García e poemas de Emilio Pita, Florencio Delgado Gurriarán, Gumersindo Sánchez Guisande, Celso Emilio Ferreiro, Manuel María, Xosé Luís Méndez Ferrín, Xaquina Trigo e Xosé Neira Vilas.
