Carriola.Redacción.26.11.25
Continúan celebrándose as “XXIV Xornadas Banco Freijeiro” na Biblioteca Pública de Marín que onte iniciaron os relatorios coa participación do doutor
Benito Arbaizar Gil que disertou sobre o tema de “Loucura na filosofía moderna e o pensamento contemporáneo”, tema que foi seguido con moito interés polos participantes neste ciclo ao que lle quedan por diante outras tres conferencias e o remate do mesmo, que será un “Obradoiro de Plantas Medicinais” que terá o seu momento o próximo domingo para pechar as xornadas.
Na tarde de hoxe, a partir das oito e tamén na Biblioteca Pública, corresponderalle o turno ao relator Xosé Ramón Mariño Ferro, doutor en Antropoloxía Cultural pola Universidade Complutense de Madrid, que falará sobre “Os dous Sistemas de Medicina Popular”
As persoas que desexen escoitar tan interesante tema teñen, aínda que non se encontren inscritas no ciclo porpiamente dito, as portas abertas para participar como oíntes tanto nesta como nas conferencias que aínda restarán os días xoves e venres “A Vacinación en Galicia e a Real Expedición Filantrópica”, o xoves e “Arqueoloxía da Saúde; enfermidade e curación en Galicia”, o venres
