Carriola.Redacción.24.05.26
O equipo benxamín do Marinenses Hockey Club pechou a súa participación no Campionato Galego de Hockey Herba cun meritorio 4º posto entre os 8 mellores equipos de Galicia.
Os marinenses loitaron ata o final polo bronce fronte ao Barrocas, demostrando entrega, compañeirismo e unha gran evolución durante toda a competición.
Dende o club destácase o orgullo polo esforzo e actitude dos nenos e nenas dentro da pista, nun campionato que deixa grandes aprendizaxes e moita ilusión para o futuro.
O equipo tamén quixo agradecer o apoio do seu patrocinador Dibay, fundamental para seguir impulsando o hockey base en Marín.
Este resultado supón un paso máis no crecemento do club e o inicio de moitos campionatos por vir.
