Carriola. Redacción. 07.10.2026
O vindeiro venres, día 9 de outubro, terá lugar a presentación dolibro “A Galiza de José Afonso”, no Museo Municipal Manuel Torres, ás 19:30 h., organizada pola Asociación para a Recuperación da Memoria Histórica de Marín. O acto estará presentado por Rosa Gantes, dramaturga e actriz do Teatro das Aras (Cangas) e na posterior palestra e coloquio participarán o autor, Paulo Esperança, Gil Filipe, actor do Teatro A Barraca de Lisboa, e Peña Villar, membro do Consello Consultivo de Asociación José Afonso (AJA) de Setúbal.
Acompañará a música de Andrés Pena e Xico de Carinho.
O libro afonda na relación entre o célebre cantautor portugués e Galiza, nos lazos de amizade e intercambio cultural e político que transcenderon no tempo e se mantiveron vivos con actos como o histórico concerto “Galiza a José Afonso” en Castrelos en 1985.
