Carriola.Redacción. 18.03.25
Pasado mañá, xoves, día 20 terá lugar no salón de actos do Museo Torres unha nova charla promovida polo Centro de Día de Marín sobre o tema “A Saúde e o benestar na vellez”, dentro do programa de charlas que a entidade ten previsto no proxecto “Charlas de Envellecemento Saudable”.
Segundo indica Carl Rodal, responsable do centro que funciona no edificio da antiga Casa do mar de Marín “Falaremos sobre a importancia de envellecer coidando o corpo, mente e as emocións, promovendo unha vida plena e digna e, ademais reflexionaremos sobre o papel dos centros de día na mellora da calidade de vida das persoas usuarias e o apoio ás familias”.
A charla será este xoves 20 de marzo as 12h da mañá no Local do Museo Manuel Torres con carácter de entrada gratuíta e aberta a calquera persoa que queira participar
