Carriola.GALP. 18.03.25
O grupo xestiona máis dun millón e medio de euros en axudas para os proxectos do seu territorio vinculados co mas e coa economía azul, especialmente co Sector Pesqueiro
A convocatoria das axudas FEMPA 2021-2027 para a anualidade 2025 do GALP Ria de Pontevedra ten como obxectivo impulsar aqueles proxectos que contribúen ao desenvolvemento sostible da ría . As axudas contan cun financiamento do 70% por parte do Fondo Europeo Marítimo, de Pesca e de Acuicultura (FEMPA) e do 30% por parte da Consellería do Mar.
O GALP xestiona máis dun millón e medio de euros en axudas para os proxectos do seu territorio (Bueu, Marín, Pontevedra, Poio, Sanxenxo e Meaño) vinculados co mar e coa economía azul, especialmente, co sector pesqueiro.
O Día 21 péchase o prazo de solicitudes
A convocatoria de axudas está rexida pola ORDE do 12 de febreiro de 2025, que establece as bases reguladoras para a concesión de axudas ás iniciativas deseñadas ao abeiro da Estratexia de Desenvolvemento Local Participativo (EDLP). O prazo para presentar as solicitudes está aberto ata este venres, 21 de marzo.
