Carriola.Redacción 22.07.25
julio@carriola.es
A Mesa de Contratación avalou esta oferta das tres presentadas e a xestión será por dous anos, con outros dous de prórroga dándose a circunsancia de que o local serà xestionado pole anterior concesionario no mesmo.
A xestión da Cantina do Porto para os próximos dous anos, con posibilidade de prórroga doutros dous, xa ten unha proposta de adxudicatario. A Mesa de Contratación propón en favor da oferta máis vantaxosa, que cifra o canon mensual en 700 euros.
Trátase dun local de 184 metros cadrados de superficie, que debe utilizarse como cafetería-restaurante. O adxudicatario terá que realizar as correspondentes adaptacións no interior que considere, así como asumir os gastos de mantemento que se xeren e a garantía e a póliza de seguros a depositar na Tesourería municipal. Ademais, estará obrigada a conservalo en perfecto estado, debendo entregalo en perfectas condicións e nun correcto estado de limpeza.
Tamén será por conta do adxudicatario a realización de todas as obras de reforma, reparación, conservación e mantemento que deban facerse no local, sempre contando coa autorización previa do Concello.
O persoal empregado e os gastos que se xeren en canto a auga, limpeza ou outros propios da actividade a desenvolver, tamén correrán a cargo da persoa encargada da súa xestión.O local poderá permanecer pechado por vacacións durante un mes ao ano, excluíndo o período estival, entendendo que este vai de maio a setembro.
