Carriola.Redacción.27.08.25
julio@carriola.es
O día cinco de setembro ás 16.30 horas será a tradicional festa de presentación das escolas na Alameda e no Parque Eguren onde se ofrecerá unha visión global do contido de cada unha delas para favorecer a elección das familias e os nenos e nenas que vaian participar nelas.
As Escolas Deportivas Municipais volverán co arranque do curso académico, para poder fomentar e achegar unha ampla oferta deportiva á rapazada de Marín.
Aínda que será o venres 5 de setembro cando se faga a tradicional presentación oficial das escolas, o concelleiro de Deportes,
Antonio Traba, xa adiantou cales serán as modalidades que se ofertarán este ano, que son:
Paddle Surf: Imua Paddle Surf Club en Aguete
Fútbol sala: Marín Futsal e Club Deportivo La Peña nos pavillóns do Sequelo, Cañota, Illa de Tambo e San Narciso
Atletismo: Club San Miguel no Estadio Municipal de San Pedro
Taekwondo: Club Mats Taekwondo, na Rúa Inferniño, 10
Triatlón: Club Deportivo Pinarium, na Escola Naval Militar e Piscina Municipal
Voleibol: Club Deportivo SEI San Narciso no Pavillón Colexio San Narciso
Baloncesto: Club Baloncesto PeixeFresco Marín no Pavillón da Raña
Ximnasia rítmica: Club Rítmica Agarimo no IES Illa de Tambo y Club Rítmica Inmare, no IES Mestre Landín
Remo: Club de Remo Ría de Marín, no Porto de Marín
Kickboxing Asociación de Boxeo de Pontevedra, no CEIP Carballal
Ximnasia acrobática: Club Ximnasia Vila de Marín, no Pavillón do Colexio San Narciso
Natación:Soom Management, na Piscina municipal
Vela: Real Club Mar de Aguete, no Porto de Aguete
Judo Club Dom+ Judo Marín, no Pavillón da Raña
Fútbol: Escuelas de Fútbol Villa de Marín no Estadio Municipal de San Pedro
Tenis: Club de Tenis Marín, no Pavillón da Laxe
Boxeo olímpico Team Thunder, noPavillón da Raña
BTT: Clube XSM, no Chan de Gagán
Piragüismo: Club Piragüismo Tambo, no Porto de Marín
Pilates Gestión de instalaciones, no Pavillón Colexio San Narciso
Salvamento:Club SAPO Pontevedra, na Piscina municipal
Procedemento de inscricións
O procedemento de inscrición é o mesmo ca en anos anteriores. O prezo da actividade para o participante será de 55 euros para todo o ano (desde o 1 de outubro ata o 31 de maio), que deberán abonarse directamente ao club ou entidade organizadora, segundo a forma de inscrición establecida por cada un e da que se informará no evento de presentación no que se repartirán os impresos de inscrición, que tamén estarán a disposición das entidades organizadoras durante o prazo de inscrición,que irá do 8 ao 19 de setembro. Asemade, poderá accederse a eles a través da web do Concello de Marín.
