Carriola. Almuinha.17.01.25.
julio@carriola.es.
A escritora marinense Lara Dopazo presentahoxe día 17 no Museo Torres o seu novo libro, “Contos gringos” ás 20:00 horas nun acto organizado pola Asociación Cultural Almuinha organiza este evento, que será unha cita destacada para a literatura galega e para a comunidade cultural de Marín.
Lara Dopazo, natural de Marín, é unha autora consolidada no panorama literario galego, cunha traxectoria que abarca tanto a poesía como a narrativa. Licenciada en Xornalismo e cunha ampla experiencia no ámbito cultural, Dopazo é recoñecida pola súa capacidade para explorar temas universais a través dunha escrita potente, intimista e cargada de simbolismo.
Premios e distincións
No seu percorrido literario acumula recoñecementos importantes, como o Premio de Poesía Gonzalo López Abente e o Premio Narrativas Quentes, que reforzan a súa posición como unha das voces máis destacadas da literatura contemporánea en galego. Contos gringos é unha colección de relatos breves que transitan entre o real e o fantástico, explorando temas como a soidade, a memoria, as relacións humanas e a busca de sentido nun mundo cambiante. Cun estilo directo e evocador, as historias mesturan ambientes cotiáns con elementos máxicos, abrindo espazos para a reflexión e a emoción.
A obra é unha viaxe literaria que confirma a versatilidade e a madurez creativa da autora e a súa presentación terá lugar nun dos espazos culturais máis emblemáticos de Marín, o Museo Manuel Torres, incluindo unha conversa coa autora e a sinatura de exemplares.
A Asociación Cultural Almuinha convida a toda a cidadanía a participar nesta celebración da literatura e a descubrir o novo traballo dunha das creadoras máis relevantes da nosa vila.
