Carriola. Redacción.29.12.24.
julio@carriola.es.
Como é xa tradicional porque leva moitos anos celebrándose o acto de lembranza das persoas que perderon a vida o 31 de decembro do ano 1036 entre as que se atopaba o alcalde de Marín Antonio Blanco Solla, a Asociación Pola Memoria Histórica de Marín organiza un novo acto no paseo marítimo qu eleva o nome do rexidor marinense e no que se atopa un sinxelo monumento co seu nome e os compañeiros que seguiron a súa mesma sorte aquela notie aciaga da historia local e Nacional.
Segúndo indican no comunicado de convocatoria, desde o colectivoorganizador “Na memoria de Albino Agraso Santamaría, Antonio Blanco Solla, Amando Iglesias Pérez, Demetrio Lorenzo Ordóñez, Santiago Ramos Ramos, Bernardino de la Torre Fernández, fusilados o 31 de decembro de 1936, e das veciñas e veciños que defenderon a liberdade durante a represión franquista, a ARMH de Marín organiza o acto anual de homenaxe e lembranza no Paseo "Alcalde Antonio Blanco", o vindeiro martes día 31, ás 13 horas, no que contaremos coa participación do escritor e investigador Xosé Álvarez Castro. Intervirán Queta Otero e Xulio Pardellas, por parte da asociación, Uxía Lubián Pardellas, coa lectura dun texto, e acompañaranos a música de Ulises Trío”.
Na mesma not de convocartoria, APMH engade “Porque non pode entenderse o presente nin construír o futuro se ignoramos o noso pasado, chamamos á participación neste acto de xustiza, verdade e reparación, no que estarán presentes tamén familiares das persoas homenaxeadas”.
